काठमाडौं- विवादित समुद्री क्षेत्रमा चिनियाँ जहाज प्रवेश गरेपछि फिलिपिन्सले चिन्ता व्यक्त गरेको छ । फिलिपिन्सको तट रक्षक बलले विशेष आर्थिक क्षेत्र (ईईजेड) भित्र वटा चिनियाँ अनुसन्धान जहाजहरू फेला परेको जनाएको हो ।

चीनले ती जहाजहरु अनुमतिबिना आफ्नो सार्वभौमिकता रहेको समुद्री क्षेत्रमा सञ्चालन गरेको भन्दै तट रक्षक बलले चिन्ता पनि व्यक्त गरेको छ । फिलिपिनी तट रक्षक बलका प्रवक्ता कमोडोर जे टारिएलाले पश्चिमी लुजोन नजिकै चीनले दुई जहाजहरु झुहाइयुन र सियाङ याङ होङ १० सञ्चालन गरेको उल्लेख गरेका छन् ।

त्यसैगरी, जाम्बालेस क्षेत्रको पश्चिमतर्फ बेइ डियाओ ९९६ नामक अर्को चिनियाँ जहाज पनि सञ्चालन भइरहेको भेटिएको थियो । यी जहाजहरूले समुद्रमा वैज्ञानिक अनुसन्धान (एमएसआर) गरिरहेको आशंका गरिएको छ । इन्क्वायरर डट नेटका अनुसार झुहाइयुन र सियाङ याङ होङ १० नामक जहाजहरु जुलाई २५ मा फिलिपिन्सको जलक्षेत्रमा प्रवेश गरेका थिए ।

बेइ डियाओ ९९६ भने जुलाई २३ मा फिलिपिन्सको जलक्षेत्रमा देखिएको थियो । यी जहाजहरूले अनधिकृत रूपमा समुद्री अनुसन्धान गरेको हुनसक्ने अनुमान गरिएको छ ।

फिलिपिन्सको समुद्री क्षेत्रमा पछिल्लो समय चीनले आफ्नो नौसैनिक गतिविधि बढाइरहेको छ । दक्षिण चीन सागरमा पर्ने यस समुद्रमा चीनले आफ्नो सार्वभौमिकता दाबी गर्दै आएको छ ।