काठमाडौं– स्वास्थ्य मन्त्रालयले चालु आर्थिक वर्ष २०८२–८३ मा स्थानीय तहबाट सञ्चालन गरिने स्वास्थ्य तर्फका सशर्त अनुदान अन्तर्गतका क्रियाकलापहरू सञ्चालन मार्गदर्शन तयार पारेको छ । 

यो मार्गदर्शनले स्वास्थ्य क्षेत्रसँग सम्बद्ध कार्यक्रमहरूको निर्दिष्ट उद्देश्य बमोजिम कार्य सञ्चालनमा एकरुपता भई कार्यक्रमहरुको प्रभावकारी कार्यान्वयनमा सहजीकरण प्रदान गर्ने मन्त्रालयको अपेक्षा छ । 

कार्यक्रम सम्पन्न भइसकेपछि सम्बन्धित प्रदेश मन्त्रालय, संघको स्वास्थ्य तथा जनसङ्ख्या मन्त्रालय एवम् सम्बन्धित विभाग, महाशाखा तथा केन्द्रमा प्रतिवेदन पेश गर्नुपर्ने मन्त्रालयले जनाएको छ । 

साथै स्थानीय तहको आन्तरिक श्रोतबाट सञ्चालित स्वास्थ्य क्षेत्र सम्बन्धित कार्यक्रमहरूको विवरण समेत प्रतिवेदनमा पेश गर्न मन्त्रालयले अनुरोध गरेको छ । 

मन्त्रालयले तयार पारेको मार्गदर्शनमा स्वास्थ्य सेवा सुधार देखि आर्युवेद सेवा सम्मका कार्यक्रमहरू समेटिएका छन् ।