काठमाडौं– नेपाली कांग्रेसका महामन्त्री विश्वप्रकाश शर्माले पर्याप्त गृहकार्य नगरी भूमिसम्बन्धी विधेयक प्रतिनिधिसभाबाट पारित गर्न लागिएको भन्दै आपत्ति जनाएका छन् ।

सामाजिक सञ्जाल एक्समार्फत उनले भूमि सम्बन्धी केही नेपाल ऐनलाई संशोधन गर्ने विधेयक’ पर्याप्त गृहकार्य र छलफल नगरी सोझै पारित गर्ने गरी संसदमा प्रस्तुत हुन लागेकोमा विमती जनाएका हुन् ।

उनले लटरपटर नगरौँ भन्दै पूर्व सहमतिका लागि समितिमा पठाउनु पर्नेमा जोड दिँदै आज (बुधबार)को प्रतिनिधिसभा बैठकको कार्यसूचीबाट यसलाई हटाउन आग्रह गरेका छन् ।

बुधबारको प्रतिनिधिसभा बैठकमा भूमिसम्बन्धी विधेयक प्रस्तुत गरी पारित गर्ने कार्यसूची रहेको छ ।

`भुमि सम्बन्धि केही नेपाल ऎन संशोधन विधेयक´ स्वयंमा संशोधन गरेर सहमति जुटाउन जरुरी छ ! पर्याप्त गृहकार्य नगरी `सोझै पारित गर्नेगरि´ संसदमा प्रस्तुत हुनलागेकोमा खुला विमती छ !

`लटरपटर´ नगरौं, पुर्व सहमति खोजौं कि
समितिमा पठाउँ l अन्यथा आजलाई कार्यसुचिबाट हटाइयोस् – `भुमि विधेयक´! pic.twitter.com/FxFHoTXnm2

— Bishwa Prakash शर्मा (@bishwaprakash77) July 8, 2025