गोरखा – गोरखा नगरपालिका–१० छेबेटारस्थित दरौदी नदिमा पौडि खेल्ने क्रममा वेपत्ता भएका एक जनाको शव सशस्त्र प्रहरी बलको गोताखोरले फेला पारेको छ ।

सोही जिल्लाको सुलिकोट गाउँपालिका–८ स्थित गैरीछाप बस्ने २३ बर्षिय आयुष गुरुङ्गको शब सशस्त्र प्रहरीको गोताखोरले फेला पारेको हो ।

उनीसँगै गएका गोरखा नगरपालिका–९ लक्ष्मीबजार बस्ने २३ वर्षिय राश्विन कुँवर, बारपाक सुलिकोट गाउँपालिका–८ गैरीछाप बस्ने २३ वर्षिय विश्व गुरुङ्ग र खोटाङ्ग जिल्लाको ऐसेलुखर्क गाउँपालिका–७ बस्ने २९ वर्षिय हिमराज राई भने सकुशल रहेका छन् ।

पौडी खेल्ने क्रममा आयुष गुरुङ्ग बेपत्ता भएको जानकारी पाउनासाथ सशस्त्र प्रहरी बल नेपाल विपद् व्यवस्थापन तालिम शिक्षालय कुरिनटारबाट खटिएको गोताखोरसहितको सुरक्षा फौजले उनको शव निकालेको थियो । उनीहरु बैदेशिक रोजगारको लागि काठमाडौ आई भ्रमणको लागि गोरखाको लिगलिगकोट गएको बताईएको छ ।