काठमाडौं– भारत सरकारले समाचार पोर्टल द वायरको पहुँचमा प्रतिबन्ध लगाएको छ । द वायरले विज्ञप्ति जारी गर्दै सरकारले भारतभर आफ्नो साइटको पहुँचमा रोक लगाएको जानकारी दिएको हो ।
‘संवैधानिक ग्यारेन्टी र प्रेस स्वतन्त्रताको प्रष्ट उल्लंघन गर्दै भारत सरकारले द वायर डट एनको पहुँच बन्द गरेको छ ।’ विज्ञप्तिमा भनिएको छ । भारतको विद्युतीय एवम् सूचना प्रविधि मन्त्रालयले आईटी ऐन २००० अनुसार आफ्नो साइटको पहुँच बन्द गर्न निर्देशन दिएको इन्टरनेट सेवा प्रदायकलाई उद्धृत गर्दै वायरले विज्ञप्तिमा जनाएको छ ।
द वायरले सरकारको कदमको निन्दा पनि गरेको छ । सरकारको यस कदमलाई चुनौती दिने पनि विज्ञप्तिमा उल्लेख छ ।
प्रतिक्रिया