काठमाडौं– प्रतिनिधिसभा अन्तर्गतको पूर्वाधार तथा विकास समितिले खानेपानी मन्त्रालयमा भएको आगलागीको निरीक्षण गरेको छ । 

आइतबार समितिका सभापति दीपक बहादुर सिंह नेतृत्वको समितिको टोलीले खानेपानी मन्त्रालयमा भएको आगलागीको स्थलगत निरीक्षण गरेको हो । 

समितिलाई खानेपानीमन्त्री प्रदीप यादवले आगलागीको घटना र क्षतिका बारेमा जानकारी गराएका थिए । समितिका सभापति दीपक बहादुर सिंहले यस घटनाले पाठ सिकाएको बताउँदै अब यस्ता घटना दोहोरिन नदिन सबै सचेत हुनुपर्ने बताए । उनले निरीक्षणका क्रममा कार्यालयका कागजपत्रमा कुनै पनि क्षति नपुगेको समेत बताए ।  

सिंहदरबारस्थित खानेपानी मन्त्रालयमा शनिबार बिहान आगलागी भएको थियो । प्रारम्भिक अनुसन्धानमा विद्युतीय तार सर्ट भएर आगलागी भएको हुन सक्ने देखिएको छ ।