काठमाडौं– उच्च अदालत पाटनले प्रमाण गायब बनाएको भन्दै आरती रावल माइतीघरमा अनसन बसेकी छन् । पुष १४ गतेदेखि उनी माइतीघर मण्डलामा आमरण अनसनमा छिन् ।

पूर्व न्यायाधीश भुवन गिरीविरुद्ध जबरजस्ती करणी मुद्दामा काठमाडौं जिल्ला अदालतले दोषी ठहर गर्दै सात वर्ष कैद सजाय तोकेको थियो ।
 
गिरी उच्च अदालत पाटनमा सफाइ पाउ भनेर गएका छन् । गत मंसिर २८ गते पेशीमा जाँदा रावलले मिसिल भित्र आफ्ना प्रमाण गायब भएको पाएपछि गिरीलाई उन्मुक्ति दिने खेल भइरहेको भन्दै अनसनमा छिन् । 

उनले भनिन्, ‘पुनरावेदन जान पाउने अधिकार गिरीको छ । तर काठमाडौं जिल्ला अदालतका प्रमाण उच्चले गायब बनाएको छ । प्रमाण गायब बनाएर गिरीलाई उन्मुक्ति दिने तयारी भित्रभित्रै भइरहेको छ । यस्तो नहोस् भनेर अनसनमा छु ।’ 

उनी १२ दिनदेखि माइतीघर मण्डलामा आमरण अनसनमा छिन् ।