काठमाडौं– बैंकिङ क्षेत्रको तरलता व्यवस्थापनका लागि नेपाल राष्ट्र बैंकले २० अर्ब निक्षेप संकलन गर्न लागेको छ । मौद्रिक व्यवस्थापन विभागले बुधबार सूचना जारी गर्दै ११ दिनको लागि उक्त निक्षेप संकलन गर्न लागेको हो ।
आजै ३ बजेसम्म बोलकबोल गर्नुपर्ने र बोलकबोलको माध्यमबाट नै ब्याजदर निर्धारण गर्नेगरी बैंकले सूचना प्रकाशन गरेको छ ।
कम्तिमा १० करोड र बढीमा ५ करोड रुपैयाँले भाग गर्दा निःशेष भाग जानेगरी क, ख र ग बर्गका बैंकहरू सो बोलकबोलमा सहभागी हुन पाउने राष्ट्र बैंकको सूचनामा उल्लेख छ । निक्षेप गरिएको रकमको साँवा तथा ब्याज भुक्तानी आगामी कात्तिक २ गते गरिने जनाइएको छ ।
प्रतिक्रिया