काठमाडौं – नेकपा माओवादी केन्द्रका सांसद माधव सापकोटाले प्रधानमन्त्री केपी शर्मा ओलीले राजीनामा दिनुपर्ने बताएका छन्।
सापकोटाले सामाजिक सञ्जाल फेसबुकमा स्टाटस लेख्दै प्रधानमन्त्रीले राजीनामा दिनुपर्ने बताएका हुन्।
उनले चरम भ्रष्टाचारका विरुद्ध जेनजी पुस्ताले सुरु गरेको आन्दोलनलाई सरकारले गरेको दमन लोकतान्त्रिक मूल्य र मान्यतामाथिको गम्भीर अपराध भएको समेत उल्लेख गरेका छन्।
सापकोटाले प्रधानमन्त्रीले आफ्नो नैतिक तथा राजनीतिक आधार पूर्णरूपमा गुमाएकाले राजिनामाको विकल्प नभएको बताएका हुन् । सापकोटाले घाइतेहरूको स्वास्थ्य लाभको कामना समेत गरेका छन्।
प्रतिक्रिया