काठमाडौं– जेन–जी पुस्ताको प्रदर्शनले वृहत् रूप लिएपछि ‘जारी–२’ निर्माण पक्षले ट्रेलर रिलिज कार्यक्रम स्थगन गरेको छ ।
उपेन्द्र सुब्बाको लेखन र निर्देशन रहेको यस फिल्मको ट्रेलर भदौ २४ गते मंगलबार गर्ने तयारीमा निर्माण पक्ष रहेको थियो ।
ट्रेलर सार्वजनिकका लागि निर्माण पक्षले पत्रकारहरूलाई आइतबार नै निमन्त्रणसमेत पठाइसकेको थियो ।
तर, जेन–जीको सोमबारको प्रदर्शनले मुलुकमा फरक महोल बनेपछि कार्यक्रम स्थगन गरिएको निर्माण पक्षको भनाइ छ ।
यो फिल्मको प्रदर्शन मिति असोज ३ गतेलाई तोकिएको छ । यसको शीर्ष भूमिकामा नायक दयाहाङ राई र नायिका मिरुना मगर रहेका छन् ।
प्रतिक्रिया