काठमाडौं – राष्ट्रिय स्वतन्त्र पार्टी (रास्वपा)ले सहकारी ठगीसम्बन्धी मुद्दामा थुनामा रहेका सभापति तथा पूर्व उपप्रधानमन्त्री रवि लामिछानेको फोटो कटमा राखी बाँधेर रक्षाबन्धन मनाउने भएकाे छ ।

पार्टीका अनुसार श्रावण २४ गते, शनिबार, दिउँसो १ः०० बजेदेखि ४ः०० बजेसम्म भैरहवा जिल्ला कारागार गेटअगाडिको मन्दिर प्रांगण र काठमाडौंको चःमति वनस्थलीस्थित घण्टीघरमा कार्यक्रम हुने छ। कार्यक्रममा लामिछानेको फोटो कटआउटमा राखी बाँधेर रक्षाबन्धन मनाइने पार्टीले जनाएको छ ।

रास्वपाले कार्यक्रममा सहभागी भई समर्थन जनाउन सम्पूर्ण समर्थक र शुभेच्छुकलाई आह्वान गरेको छ। यो अभियान लामिछानेप्रति ऐक्यबद्धता र न्यायको पक्षमा जनचेतना फैलाउने उद्देश्यले आयोजना गरिएको रास्वपाले जनाएको छ ।