काठमाडौं– निर्माण पक्षले ऐतिहासिक भनेको चलचित्र ‘नालापानी’को शुक्रबार ऐतिहासिक प्रदर्शन हुने भएको छ । निर्माण पक्षले प्रतिनिधिसभाका सभामुख देवराज घिमिरेको प्रमुख आतिथ्यतामा चलचित्रको ऐतिहासिक प्रदर्शन गर्न लागेको हो । 

चलचित्र नालापानीको शुक्रबार अपराह्न ४ बजे भृकुटीमण्डपस्थित नेपाल पुलिस क्लबमा प्रदर्शन हुने घिमिरेको सचिवालयले जनाएको छ । निर्माण पक्षले राष्ट्रियसभाका अध्यक्ष नारायणप्रसाद दाहाललाई विशिष्ट अतिथिका रूपमा आमन्त्रण गरेको छ । 

यस्तै मन्त्री, सांसद, विभिन्न दलका नेता, सरकारका उच्चपदस्थ कर्मचारी र पत्रकारहरूलाई पनि प्रदर्शनीमा आमन्त्रण गरिएको छ । मनोज शाक्यको निर्माण रहेको चलचित्र नालापानीको निर्देशन रिमेश अधिकारीले गरेका छन् । 

अधिकारी परिकल्पनाकार र निर्माता पनि हुन् ।