लेबनान – लेबनानको क्याबिनेट बैठकले हिजबुल्लाहको निःशस्त्रीकरणको योजनालाई स्वीकार गरेको छ ।

प्रधानमन्त्री नवाफ सलामले बिहीबार अमेरिकाले राखेको सो प्रस्तावलाई लेबनानको क्याबिनेटले स्वीकार गरेको जनाइएको छ ।

हिजबुल्लाहका राजनीतिक निकायका उपप्रमुख मोहम्मद कोमाटीले यसलाई इजरायल र अमेरिकाको सामु आत्मसमर्पणको संज्ञा दिएका छन् । उनले लेबनानमा इजरायलीबाट बचाउन हिजबुल्लाहले प्रयास जारी राख्ने पनि बताए ।
हिजबुल्लाहको संसदीय ब्लकले भने इजरायलको इच्छामा अमेरिकी माग पुरा गरिएको आरोप लगाएको छ ।

क्याबिनेटमा रहेका हिजबुल्लाह समर्थक सिया मुस्लिमले सो बैठक बहिस्कार गरेका थिए । अमेरिकी दूत टम बराकले लेबनान सरकारका सामु युद्ध अन्त्यका लागि दीर्घकालीन प्रस्ताव राखेपछि हिजबुल्लाहको निःशस्त्रीकरणको योजना स्वीकार गरिएको हो ।