काठमाडौं – विश्व चर्चित दक्षिण कोरियन म्युजिक ब्यान्ड बीटीएसले कम ब्याकको घोषणा गरेको छ । ४ वर्षपछि यो समूहले नयाँ गीत सार्वजनिक र स्टेजका कार्यक्रममा फर्कने घोषणा गरेको हो ।

दक्षिण कोरियाको कानुनले १८ देखि २८ वर्ष उमेर समूहका सबै योग्य पुरुषहरूलाई डेढ वर्षदेखि २१ महिनासम्म सैन्य सेवा गर्नुपर्ने अनिवार्य गरेको छ ।

यो समूहका सबै सदस्यहरुले सैन्य सेवा पूरा गरेर संगीतमा फर्किएको बुझिएको छ ।

यस समूहले सन् २०२६ को नयाँ एल्मब सार्वजनिक गर्ने र त्यसपछि वर्ल्ड टुरमा सहभागी हुने बताएको छ ।

केही दिनअघि बीटीएसका सदस्यहरू जिन, आरएम, भी, जिमिन, जे-होप, जंगकुक र सुगाले अनलाइन फ्यान प्लेटफर्म ‘वेभर्स’मार्फत यो जानकारी दिएका हुन् ।