काठमाडौं – नेपाली टोलीका उपकप्तान दीपेन्द्र सिंह ऐरीले अन्तराष्ट्रिय एक दिवसीय क्रिकेटमा एक हजार रन पूुरा गरेका छन् । स्कटल्याण्डविरुद्धको खेलमा ६ रन कटाएसँगै उनले ओडीआई क्रिकेटमा एक हजार रनको आँकडा पुरा गरेका हुन् ।

यसअघि ६२ खेलमा ९९४ रन बनाएका ऐरीलाई एक हजार रनको आँकडा पुरा गर्न ६ रन मात्र आवश्यक थियो । ६३ ओडीआई खेल खेलेका ऐरीले एक शतक र तीन अर्धशतक प्रहार गरेका छन् । ओडीआईमा उनको उच्च स्कोर १०५ रन रहेका छ ।

दीपेन्द्र नेपाली टोलीका भरपर्दो र विष्फोटक ब्याट्सम्यानको रुपमा चिनिन्छन् । उनले टि–ट्वान्टी आईमा अहिले सम्म १७५६ रन बनाएका छन् ।

नेपालका लागि ओडिआईमा १ हजार रन पूरा गर्ने दीपेन्द्र पाँचौ खेलाडी हुन् । यसअघि कप्तान रोहित पौडेल, आसिफ शेख, कुशल भुर्तेल र आरिफ शेखले ओडीआईमा एक हजार रनका आँकडा पार गरिसकेका छन् ।