काठमाडौं– स्वास्थ्य बीमा कार्यक्रम लागू भएदेखि आ.व. २०८०-८१ को अन्त्यसम्ममा कार्यक्रममा कुल २६,०८,१३९ घरपरिवार आबद्ध भएका छन् । 

स्वास्थ्य बीमा बोर्डले प्रस्तुत गरेको वार्षिक प्रतिवेदन अनुसार बीमा कार्यक्रममा ८२ लाख ९२ हजार १ सय ४१ नागरिक आबद्ध छन् । जसमध्ये आर्थिक वर्ष २०८०-८१ मा जम्मा १८ लाख ७४ हजार २ सय २८ घरपरिवार र ५० लाख १२ हजार २ सय १३ जना जना क्रियाशील रहेका प्रतिवेदनमा उल्लेख गरिएको छ । 

क्रियाशील जनसङ्ख्यामध्ये सामान्य र लक्षित जनसङ्ख्या क्रमशः ७३.४ प्रतिशत र २६.६ प्रतिशत रहेको छ । क्रियाशील बीमितमध्ये लैङ्गिकताको आधारमा सबैभन्दा बढी महिला ५१.३४ प्रतिशत र उमेरका आधारमा सबैभन्दा बढी ७५-७९ वर्ष उमेर समुहको जनसङ्ख्या रहेको छ । 

पाल्पा, चितवन, भक्तपुर, झापा र स्याङ्जा जिल्लामा क्रियाशील जनसङ्ख्या ४० प्रतिशत भन्दा माथि रहेको छ भने बाजुरा, धनुषा, डोल्पा, मनाङ, सर्लाही र हुम्ला जिल्लामा ५ प्रतिशत भन्दा कम जनसङ्ख्या क्रियाशील रहेका प्रतिवेदनमा भनिएको छ ।