काठमाडौं- नेकपा (माओवादी केन्द्र) सांसद लेखनाथ दाहालले भारत र पाकिस्तानको द्वन्द्वबारेमा नेपाल सरकारको आधिकारिक धारणा माग गरेका छन् ।

बिहीबार प्रतिनिधिसभाको बैठकलाई सम्बोधन गर्दै उनले दुई छिमेकीबीचको द्वन्द्वबारे सरकारले आधिकारिक धारणा सार्वजनिक गर्नुपर्ने बताएका हुन् ।

‘पछिल्लो समय भारत र पाकिस्ताबीच उत्पन्न विवादबारे नेपाल सरकारको आधिकारिक धारणा के हो ? माग गर्दछु,’ उनले सभामुखको ध्यानाकर्षण गराउँदै भने ।

गत अप्रिल २२ तारिखमा कश्मीरको पहलगाममा २७ जना पर्यटकको ज्यान जानेगरी भएको घटनाको बदलामा भारतले मंगलबार राति पाकिस्तानका विभिन्न स्थानमा हवाई हमला गरेको थियो । भारत र पाकिस्तानबीच द्वन्द्व बढिरहेको अवस्थामा सरकारको धारणा मागिएको हो ।