सुर्खेत– नेपाल कम्युनिष्ट पार्टी (एमाले) का महासचिव शंङ्कर पोखरेलले राजाप्रति संकेत गर्दै प्रेत बनेर आएको बताएका छन् ।

नेकपा(एमाले)ले सुर्खेतमा आयोजना गरेको जागरणसभामा बोल्दै महासचिव पोखरेलले २५० वर्ष शासन गरेको राजतन्त्र अहिले प्रेत बनेर आएको बताएका हुन् । 

उनले एमाले सरकार भए पनि अहिले गणतन्त्रका पक्षमा सडकमा आएको बताए । ‘राजावादीहरू अहिले भन्छन् । गणतन्त्र के दियो भन्छन्,’ उनले भने,‘तपाई आफैँ भन्नुहोस् । सुर्खेतमा बाहेक अन्य ठाउँमा मोटर बाटो पुगेको थिएन । २०५६ सालमा म दैलेख जाँदा हिँडेर गएको थिए । गणतन्त्रको उपलब्धि थिएन ।’

मण्डलेहरूको शासनकालमा हालत खराब अवस्थामा कस्तो अवस्था थियो तपाईँहरू थाहा भएको महासचिव पोखरेलले बताए । ‘पञ्चायतकालमा कर्णालीबासीले एक ढिका नुनका लागि हेलिकप्टर कुनुपर्ने अवस्था थियो,’ उनले भने, ‘अहिले कर्णाली गाउँ गाउँमा सडक पुगेको छ । खानेपानी पुगेको छ । लोकतन्त्रमा त्यो अवस्था छैन ।’ 

पञ्चायतकालमा यो मुलुकको अवस्था कस्तो भने जम्मा एक सयमा ८ जनाले बिजुली बाल्ने गरेको अहिले अवस्थामा एक सय ९९ जनाले बिजुली बाल्न पाएको महासचिव पोखरेलले बताए । ‘यो उज्यालो बनाउने काम अहिले गणतन्त्र हो,’ उनले भने, ‘पञ्चायत अँध्यारो राखेको हो ।’