काठमाडौं- नेपाल कम्युनिस्ट नेताहरू बुढ्यौलीले थिचिसक्दा पनि पार्टीको नेतृत्व ओगटेर बसिरहन्छन् । पछिल्लो पटक नेपाल मजदुर किसान पार्टीको अध्यक्षमा नारायणमान बिजुक्छेंको निरन्तरताले त्यही कुरा पुष्टि गर्छ ।

बिजुक्छें नेमकिपाको अध्यक्षमा विगत ५० वर्षदेखि निरन्तर छन् । नेकपा मसालको अध्यक्षमा मोहनबिक्रम सिंह पनि करिब ५० वर्षदेखि निरन्तर छन् ।

अर्कातिर नेकपा माओवादी केन्द्रका अध्यक्ष पुष्पकमल दाहाल प्रचण्ड पनि पार्टी नेतृत्वमा ३५ वर्षदेखि निरन्तर छन् ।

यसले कम्युनिस्ट नेताहरू नेतृत्व हस्तान्तरणमा संकिर्ण रहेको देखाउँछ । आफूमात्रै सक्षम र योग्य देख्ने मनोगत चिन्तनले नेताहरूलाई घेरेको छ । त्यहीकारण अरुलाई योग्य नदेख्दा पार्टीमा ओगटे बसेको बस्यै छन् ।

यही सन्दर्भलाई यो साताको कार्टुनमार्फत् ब्यंग्य गर्न खोजिएको छ । कम्युनिष्ट नेताहरू निरन्तर पदमा रहँदा न त पार्टी बन्न सकेको छ नत ठूलो हुन नै सकेको छ । नेता चाहिँ ठूला ठूला हुने तर पार्टी भने खिइँदै जाने नियति कम्युनिष्ट रहेको दृष्टान्त कार्टुनले देखाउन खोजेको छ ।