काठमाडौं – नेपाली कांग्रेस भीममदत्त नगरपालिका कञ्चनपुरका नगर सभापति स्वर्गीय अच्युतराज कलौनीको सम्झनामा नेविसंघले बैजनाथ नमुना उच्च माध्यमिक विद्यालय महेन्द्रनगरमा अक्षयकोष स्थापना गरेको छ ।

स्वर्गीय अच्युत अध्यक्ष रहेको विद्यालय बैजनाथ नमुना उच्च मावि, महेन्द्रनगरमा नेविसंघ केन्द्रीय कार्यसमितिको तर्फबाट उनको नाममा दुई लाख बराबरको अक्षयकोष स्थापना गरिएको हो ।

सो क्रममा नेविसंघ केन्द्रीय अध्यक्ष दुजाङ्ग शेर्पा केन्द्रीय सदस्यहरु टेकराज अवस्थी, जगत ऐर, अमृत कार्की लगायत नेविसंघका नेता कार्यकर्ताले अच्युतका बुबा जनकराज कलौनीसँग भेटघाट पनि गरेका थिए ।

साथै अध्यक्ष शेर्पाले घटनाको सत्य ,तथ्य छानविनका लागि ने वि संघले कुनै कसुर नराख्ने भन्दै समवेदना व्यक्त गरे ।

अच्युत नेविसंघका पूर्व सहमहामन्त्री (केन्द्रीय कार्यसमिति) मा थिए । उनी नेविसंघ हुँदै पार्टीको राजनीतिमा लागेका थिए ।