काठमाडौं– ह्यात होटल्स कर्पोरेशन र सिटि होटल लिमिटेडले ह्यात प्लेस काठमाडौं अब ह्यात सेन्ट्रिक सोल्टीमोड काठमाडौंमा रूपान्तरण भएको घोषणा गरेको छ । यो नेपालको पहिलो ह्यात सेन्ट्रिक ब्राण्डको होटल भएको छ ।

ह्यात सेन्ट्रिक सोल्टीमोड काठमाडौं होटलको प्रत्येक कुनाले काठमाडौं सहरको कथाहरू व्यक्त गर्ने सिटि होटल लिमिटेडका कार्यकारी संचालक अक्षय गोल्याणले बताए । 

होटलमा ८,६०० वर्ग फिटभन्दा बढीको १० देखि ६०० व्यक्ति अटाउने आवश्यकता अनुसार मिलाउन मिल्ने बैठक तथा कार्यक्रम स्थान, १५३ कोठाहरू रहेको छ । 

स्थानीय स्वादको तड्का मिसिएका विश्वभरबाट प्रेरित परिकारहरू सरलता र वास्तविकतालाई पेश गर्ने गोल्याणले जानकारी दिए । 

ब्राण्डको होटलमा स्वागत गर्न पाउँदा उत्साहित भएको हयात सेन्ट्रिक सोल्टीमोड काठमाडौंका महाप्रबन्धक वरुण तलवारले बताए ।