काठमाडौं – काराबाओ कप सेमिफाइनलको पहिलो लेगमा न्यु क्याशल युनाइटेडले आर्सनललाई २-० ले हराएको छ। पछिल्लो समय सानदार फर्ममा रहेका अलेक्जेन्डर इसाकको खेल उत्कृष्ट थियो।
फेब्रुअरी ५ मा घरेलु भूमिमा न्यु क्याशलले दोस्रो लेग सेमिफाइनल खेल्ने छ।
इसाकले पछिल्ला १५ खेलमा १४ गोल गरे भने न्यु क्याशलले सबै प्रतियोगितामा गरेर लगातार सातौँ जित हात पारेको छ। गएराति भएको खेलको ३७ औँ मिनेटमा ज्याकोब मर्फीको पासमा इसाकले गोल गरेका थिए।
खेलको ५१ औँ मिनेटमा इसाकको प्रहार डेभिड रायाले बचाएपछि रिबाउन्डमा एन्थोनी गोर्डनले गोल गरे। बुधबार अर्को सेमिफाइनलमा पहिलो लेगमा टोटनहाम हस्टस्पर्सले घरेलु भूमिमा लिभरपुलसँग खेल्ने छ।
प्रतिक्रिया