काठमाडौं– भारतमा डासोउ रफायल लडाकु विमान निर्माण गर्न फ्रान्स प्रतिबद्ध रहेको भारतका लागि फ्रान्सेली राजदूतले बताएका छन् । भारतका लागि फ्रान्सका राजदूत थिएरी माथोउले भारतमा डासोउ रफायल निर्माण गर्न आफ्नो मुलुक प्रतिबद्ध रहेको जनाएका हुन् ।

भारतीय समाचार संस्था द प्रिन्टसँगको कुराकानीमा उनले यसबाट रक्षा सम्बन्ध मात्रै नभइ जनस्तरको सम्बन्ध पनि मजबुत हुने विश्वास व्यक्त गरे । ‘हामीले रफायलबारे दुई सम्झौता गरिसकेका छौँ ।’ उनले भने ।

उनले भारतमा निर्माण गर्न फ्रान्सेली कम्पनी तयार रहेको र भारतका लागि पनि यो निकै महत्वपूर्ण रहेको उनको भनाइ छ ।

भारतले १ सय १४ वटा नयाँ रफायल लडाकु विमान खरिद गर्ने तयारी गरिरहेको द प्रिन्टले जनाएको छ । यसबारे अर्को वर्षसम्म सम्झौतालाई अन्तिम रुप दिइने अपेक्षा गरिएको छ ।