काठमाडौं – चर्चित गायक दुर्गेश थापाले नयाँ पुस्ता ‘जेन–जी’ लाई देशको भविष्यको नेतृत्वकर्ता भन्दै सामाजिक सञ्जालमार्फत आफ्नो धारणा सार्वजनिक गरेका छन् ।

थापाले स्टाटसमा लेखेका छन्, “जेन–जी केवल नाम हैन, ब्राण्ड हो” भन्दै वेथिति र भ्रष्टाचारविरुद्ध यो पुस्ताले आवाज बुलन्द गर्न थालेको उल्लेख गरेका छन् । उनका अनुसार नयाँ पुस्ताले परिवर्तनको क्रान्ति सुरु गरिसकेको छ र यही पुस्ता नेपालको उज्यालो भविष्य निर्माण गर्ने शक्ति हो ।

कलाकारको नाताले आफू पनि सकारात्मक उर्जा सहित युवापुस्तासँगै उभिएको थापाले स्पष्ट पारेका छन् । उनले लेखेका छन्, “यो देशको उज्यालो भविष्यको यात्रामा म पनि कलाकारको नाताले, सकारात्मक उर्जा सहित हजुरहरूसँगै उभिएको छु।”

थापाले यस्ता भनाइ व्यक्त गरेपछि उनको स्टाटसमा युवाहरूले सकारात्मक प्रतिक्रिया दिइरहेका छन् । धेरैले उनको समर्थन गर्दै कलाकारले युवापुस्तालाई प्रोत्साहन गर्नु प्रेरणादायी भएको प्रतिक्रिया दिएका छन् ।