काठमाडौं– अन्तर्राष्ट्रिय क्रिकेट काउन्सिल (आईसीसी) ले सञ्जोग गुप्तालाई प्रमुख कार्यकारी अधिकृत (सीईओ) नियुक्त गरेको छ । 

आईसीसीका सातौँ सीईओका रूपमा नियुक्त गुप्ता भारतीय सञ्चारमाध्यम, मनोरञ्जन र खेल जगतका परिचित अनुहार हुन् । 

विभिन्न क्षेत्रको दुई दशक लामो अनुभव लिएका गुप्ता यसअघि ‘जियोस्टार’ का ‘सीईओ–स्पोट्र्स’ पदमा कार्यरत थिए । 

‘सञ्जोग गुप्तालाई आईसीसीको सीईयो नियुक्त गरिएको घोषणा गर्दा म खुशी छु,’ आईसीसीका अध्यक्ष जय शाहले भनेका छन्, ‘सञ्जोगसँग खेल र बिजनेसको व्यापक अनुभव छ । जुन आईसीसीका लागि फाइदाजनक हुनेछ ।’ 

गुप्ताले आफना्े करियरको सुरुवात एक पत्रकारका रूपमा गरेका थिए । सन् २०१० मा उनी स्टार इन्डिया (हाल जियोस्टार) मा आवद्ध भएका थिए । गुप्ता सन् २०२४ नोभेम्बर मा जियोस्टार स्पोर्ट्सका सीईओ नियुक्त भएका थिए ।