काठमाडौं– विश्वकप फुटबलको समूह ‘जे’को खेलमा बेल्जियम र उत्तरी मेसेडोनियाले बराबरी खेलेका छन् ।

शुक्रबार राति भएको खेलमा दुवै टोलीले १–१ गोलको बराबरी खेल्दै अंक बाँडेका छन् ।

खेलको २८औँ मिनेटमा बेल्जियमका म्याक्सिम डी कयुले गोल गरेका थिए भने ८६औँ मिनेटमा मेसेडोनियाका एजियन ओलियस्कीले गोल फर्काएका थिए ।

यो बराबरीले सुरुवातमै बेल्जियम सङ्कटमा परेको छ । सोमबार सो टोलीले घरेलु भूमिमा शीर्ष स्थानमा रहेको वेल्ससँग खेल्ने छ ।

वेल्सले छनोट यात्रालाई अघि बढाउने क्रममा लिचेस्टाइनलाई ३–० गोलले हराएको छ । उक्त खेलमा लिचेस्टाइनलका गोलरक्षक बेन्जामिन बुचेलले थुप्रै आक्रमणलाई विफल पारेका थिए ।

खेलको ३९औँ मिनेटमा जो रोडनको गोलमा नर्वेले अग्रता लिएको थियो । ६५औँ मिनेटमा हेरी विल्सनले गोल गरेको खेलमा ६८औँ मिनेटमा केइफ मोरले गोल गरे ।