काठमाडौं – भारतीय क्रिकेट टिमका कप्तान रोहित शर्माले टेस्ट क्रिकेटबाट सन्यास लिएको घोषणा गरेका छन् । सामाजिक सञ्जालमा इन्स्टाग्राममार्फत उनले टेस्ट क्रिकेट करिअरलाई अन्त्य गरेको घोषणा गरेका हुन् ।

उनले लेखेका छन्, ‘म यो भन्न चाहन्छु की टेस्ट क्रिकेटबाट सन्यास लिएको छ । भारतीय जर्सीमा टेस्ट क्रिकेट खेल्न पाउँदा गर्व महसुस गरेको छ । देशको प्रतिनिधित्व गर्नु मेरा लागि ठूलो सम्मान हो ।’ उनले एकदिवसीय क्रिकेट भने खेल्ने छन् ।

३८ वर्षीय शर्मा भारतीय क्रिकेट टोलीका सफल कप्तान मध्ये एक हुन् । उनले भारतका लागि ६७ टेस्ट खेलेका छन् । जसमा चार हजार ३०१ रन बनाएका छन् । यसमा १२ शतक र १८ अर्धशतक सामेल छन् । उनले सन् २०१३ मा वेस्ट इन्डिजविरुद्ध भारतका लागि टेस्टमा डेब्यु गरेका थिए ।

शर्माले पहिलो र दोस्रो टेस्टमा लगातार शतक बनाएका थिए । यसअघि रोहितले विश्वकप जितेपछि टी–२० अन्तर्राष्ट्रिय क्रिकेटबाट सन्न्यास लिएका थिए ।