नयाँदिल्ली- पहलगाम आक्रमणको १५ दिनपछि भारतले पाकिस्तान र पाकिस्तान अधिनस्त कश्मीर (पीओके) का ९ वटा स्थानमा हवाई आक्रमण ‘एयर स्ट्राइक’ गरेको छ । यी आक्रमणहरू मंगलबार राति १ः३० बजे ‘अपरेशन सिन्दूर’ अन्तर्गत बहावलपुर, मुरीदके, बाघ, कोटली र मुजफ्फराबादसहितका स्थानमा गरिएको थियो ।

भारतले यी स्थानहरूबाट आतङ्ककारी हमलाहरूको योजना बनाउँदै आएको दाबी गरेको छ । पाकिस्तानका स्थानीय सञ्चारमाध्यमले बहावलपुरमा एयर स्ट्राइकपछि ३० जनाको मृत्यु भएको जनाए पनि यसकाे पुष्टि हुन सकेको छैन ।

समाचार एजेन्सी एएनआईका अनुसार, जैश–ए–मोहम्मदका ४, लश्कर–ए–तैयबा का ३ र हिज्बुल मुजाहिदीनका २ आतङ्ककारी केन्द्रहरूलाई निशाना बनाइएको भारतको दाबी छ ।

पाकिस्तानमा भारतको हवाई आक्रमण

पाकिस्तानमाथि भारतको आक्रमणपछि देशभरका हवाई उडानहरूमा असर परेको छ । श्रीनगरसहित ११ एयरपोर्टहरूमा उडान बन्द गरिएको छ । उडान रोकिएकामा जम्मु, श्रीनगर, लेह, चण्डीगढ, बिकानेर, जोधपुर, राजकोट, धर्मशाला, अमृतसर, भुज र जामनगर एयरपोर्टहरू छन् ।

भारत र पाकिस्तानबीचको तनावपूर्ण अवस्थाबीच पाकिस्तानको आकाशमा एउटा पनि जहाज उडेका छैनन् ।

यस्तै, भारतले पनि बढ्दो तनावका कारण पाकिस्तान सीमासँग जोडिएका राज्यहरूमा उडानहरू रद्द गरेको छ । जसमा जम्मु–कश्मीर, हिमाचल प्रदेश, पञ्जाब, गुजरात र राजस्थान छन् ।

पाकिस्तानमा भारतको आक्रमणबारे अमेरिकाले भन्यो– ‘यो लाजमर्दो कुरा हो’

पञ्जाबमा विद्यालय बन्द
भारतस्थित पञ्जाबको पठानकोट, गुरदासपुर, फाजिल्का र फिरोजपुर जिल्लामा सुरक्षाका कारणले सबै विद्यालयहरू बन्द गरिएका छन् ।

फाजिल्का जिल्ला प्रशासनले विशेष आदेश जारी गर्दै सबै विद्यालयहरू अर्को आदेश नआएसम्म बन्द रहने जनाएको छ ।

भारतको आक्रमणपछि पाकिस्तानले के भन्यो ?