काठमाडौं– जनता समाजवादी पार्टी (जसपा) नेपालले सरकारलाई आन्दोलनरत शिक्षकहरूसँग तत्काल वार्ता गर्न सुझाव दिएको छ । 

अध्यक्ष उपेन्द्र यादवले सोमबार विज्ञप्ति जारी गरेर शिक्षकहरूका न्यायोचित माग सम्बोधन गर्न सुझाव दिएका छन् । 

‘सरकारले आन्दोलनरत शिक्षकहरूसँग तत्काल वार्ता गरी उनीहरूका न्यायोचित मागहरूलाई सम्बोधन गर्नु पर्दछ,’ उनले भनेका छन् ।

जसपाले शिक्षासम्बन्धी नीति, योजना, ऐन–कानुन र कार्यक्रमहरूको समीक्षा गरी शिक्षा क्षेत्रमा देखा परेका विकृति, विसंगति, अराजकता र अन्यौलताको स्थिति अन्त्य गर्नुपर्नेमा पनि जोड दिएको छ । 

‘समान गुणस्तरीय शिक्षा सबैलाई प्रत्याभूत गराउने व्यवस्था गरिनु पर्दछ,’ जसपाले भनेका छ ।