काठमाडौं– लोकतान्त्रिक समाजवादी पार्टी (लोसपा)का अध्यक्ष महन्थ ठाकुरले प्रजातन्त्रका लागि लडेकाहरूका लागि चाक्सीबारी तीर्थस्थल समान रहेको बताएका छन् । 

गणेशमान सिंह पाउन्डेसनले सोमबार आयोजना गरेको अन्तरक्रियामा उनले चाक्सीबारीको महत्वबारे चर्चा गर्ने क्रममा यस्तो बताएका हुन् ।  

‘नेपाल–भारत सम्बन्ध सुदृढ गर्न भारतका पूर्वप्रधानमन्त्री चन्द्रशेखरजीले पुर्‍याउनुभएको योगदान’ विषयक अन्तरक्रियामा उनले भारतका पूर्वप्रधानमन्त्री चन्द्रशेखरको योगदानबारे पनि चर्चा गरे । 

‘चन्द्रशेखरजी आउनुभयो । त्यो समय हामी कहीँ–कतै बैठक गर्न सक्ने अवस्थामा थिएनौँ । चाक्सीबारीमै बैठक गरिएको थियो,’ अध्यक्ष ठाकुरले भने, ‘जहाँबाट डेमोक्रेसीका लागि बिगुल फुकियो । चाक्सीबारीको नाम डेमोक्रेसीका लागि लडेकाहरूका लागि एक तीर्थस्थल समान छ ।