काठमाडौं– छिमेकी देश भारतको शेयर बजारमा भारी गिरावट आएको छ । भारतीय सञ्चारमाध्यमले सोमबार बजार ‘क्र्यास’ भएको टिप्पणी गरेका छन् ।

सोमबार मध्यान्ह १२ बजे भारतीय शेयर बजार मापक बीएसई सेन्सेक्स सोमबार ३.७३ प्रतिशत ओरालो लागेको छ । सोमबार मध्यान्ह १२ बजे सेन्सेक्स २ हजार ८ सय १२ दशमलब ९९ अंकले ओरालो लाग्दै ७२ हजार ५ सय ५१ दशमलब ७० विन्दुमा झरेको छ ।

त्यसैगरी, ठूला कम्पनीको शेयर मापक निफ्टी ५० पनि ओरालो लागेको छ । सोमबार निफ्टी ५० पनि ९ सय २३ दशमलब ७० अंकले ओरालो लाग्दै २१ हजार ९ सय ८० दशमलब ७५ विन्दुमा झरेको छ ।

अघिल्लो दिन सेन्सेक्स ७५ हजार ३६४ अंकमा बन्दमा बन्द भएको थियो । आज बजार खुलेको केही समयमै सेन्सेक्स उच्च अंकले घटेको थियो ।

भारतबाट अमेरिका निर्यात हुने वस्तुमा अमेरिकी राष्ट्रपति डोनाल्ड ट्रम्पले अतिरिक्त २६ प्रतिशत भन्सार महशुल वृद्धिको घोषणा गरेसँगै निरन्तरजसो भारतीय शेयर बजार घटिरहेको छ ।