सुर्खेत– प्रधानमन्त्री केपी शर्मा ओलीले कर्णाली प्रदेश विकट नभएको बताएका छन् ।

मध्यपश्चिम विश्वविद्यालयले आयोजना गरिएको दीक्षान्त समारोहलाई सम्बोधन गर्दै उनले कर्णाली प्रदेश विकट नभएर सम्भावनाको खानी भएको बताएका हुन् ।

‘कर्णाली प्रदेश विकट भन्ने गरेका छन् । तर, त्यो हैन । यहाँ अहिले तेलको अनुसन्धान गरिरहेका छौँ,’ उनले भने, ‘भावी दिनमा यहीको तेल प्रयोगमा आउनेछ ।’

जडीबुटीको खानी भएको र प्रयोगमा आउन नसकेको प्रधानमन्त्री ओलीले बताए ।

‘नराम्रा कुरा भरिया भएर नेपाल अगाडी बढ्दैन,’ उनले भने,‘त्यसका लागि अग्रगामी सोचले अगाडी बढ्न सक्छ । देश जनता र मानवताका लागि काम गर्नपर्छ ।’

दीक्षित हुने विद्यार्थीलाई उनले फेरी सफलताका लागि अध्ययन अनुसन्धानमा लाग्न सुझाव दिए ।