युक्रेन – युक्रेनी राष्ट्रपति भोलोडोमिर जेलेन्स्कीले अर्को साता साउदी अरेबियामा हुने अमेरिकासँगको वार्ता अर्थपूर्ण हुने बताएका छन्।

अर्को साता साउदीमा हुने वार्ताले युद्ध अन्त्यको बाटो तय गर्ने आशा उनको छ। अमेरिकी राष्ट्रपति डोनाल्ड ट्रम्पका विशेष दूत स्टिभ विटकोफले अमेरिकी टोलीले रुस र युक्रेन बीचको युद्ध सधैँका लागि अन्त्य गर्न चाहेको बताएका छन्।

गत शुक्रबार युक्रेन र अमेरिका बीचमा भएको वार्ता भनाभनमा ठुङिगएको थियो। त्यसपछि नै यी दुई देशबीच फेरि वार्ता हुने सम्भावना रोकिएको हो।

यस बीचमा अमेरिकाले युक्रेनलाई गर्दै आएको सबै सहयोग रोक्ने निर्णय गरेको थियो। साथै गुप्तचर सहकार्य बन्द गर्ने निर्णय समेत गरी सकेको छ।

घटनापछि युक्रेनी राष्ट्रपति जेलेन्स्कीले दुःख व्यक्त गर्दै आफूले अझै अमेरिकासँगको सम्बन्ध सुमधुर बनाउन चाहेको बताएका थिए। अमेरिकाले युक्रेनको स्थायी शान्तिका लागि युद्ध विरामका लागि लगातार दबाब दिँदै आएको थियो।