काठमाडौं– कालीमाटी फलफूल तथा तरकारी विकास समितिले आजका लागि कृषि उपजहरूको थोक मूल्य निर्धारण गरेको छ ।

समितिका अनुसार आज गोलभेँडा ठूलो (भारतीय) प्रतिकेजी ६० रुपैयाँ निर्धारण गरिएको छ । यस्तै, गोलभेँडा सानो (तराई) २५, आलु रातो प्रतिकेजी ३६ रुपैयाँ, आलु रातो (भारतीय) ३४, प्याज सुकेको (भारतीय) ६५, गाजर (लोकल) प्रतिकेजी ४०, गाजर (तराई) २५, बन्दा (लोकल) २०, बन्दा (तराई) १५, बन्दा (नरिवल) १५, काउली स्थानीय १५, स्थानीय काउली (ज्यापु) १८, काउली (तराई) १५, मूला रातो ३०, मूला सेतो (लोकल) २०, सेतो मूला (हाइब्रिड) ३०, भन्टा लाम्चो ३०, भन्टा डल्लो प्रतिकेजी ५० रुपैयाँ कायम भएको छ ।

यसैगरी, मटरकोसा प्रतिकेजी ५० रुपैयाँ, घिउ सिमी (लोकल) ६०, घिउ सिमी (हाइब्रिड) ६०, घिउ सिमी (राजमा) ८०, टाटे सिमी ५०, तिते करेला ११०, लौका ५०, फर्सी पाकेको ५०, सलगम प्रतिकेजी ८०, भिण्डी १००, बरेला ५०, पिँडालु ९०, स्कूस ४०, रायो साग प्रतिकेजी १५ रुपैयाँ, पालुङ्गो साग प्रतिकेजी ४५, चमसुरको साग ४५, तोरीको साग प्रतिकेजी २५, मेथीको साग ४५, प्याज हरियो ४०, बकुला ७०, तरुल ९०, च्याउ (कन्य) १००, च्याउ (डल्ले) ३५० निर्धारण गरिएको छ ।

समितिले ब्रोकाउली प्रतिकेजी ३० रुपैयाँ, चुकुन्दर ६०, रातो बन्दा ७०, सजिवन २५०, जिरीको साग प्रतिकेजी ७५, ग्याठ कोबी ८०, सेलरी ४००, पार्सले ८००, सौफको साग ७०, गान्टे मूला ७०, इमली १६०, तामा ९०, तोफु १२०, गुन्द्रुक प्रतिकेजी ३०० रुपैयाँ तोकेको छ ।

यस्तै, स्याउ (झोले) २६०, स्याउ (फूजी) ३००, केरा (दर्जन) १५०, कागती १५०, अनार ३५०, अङ्गुर (हरियो) २५०, अङ्गुर (कालो) ३५०, सुन्तला (नेपाली) १६०, सुन्तला (भारतीय) १००, तरबुजा हरियो ६०, जुनार ११०, भुइँकटर प्रतिगोटा २००, काँक्रो (लोकल) १६०, काँक्रो (हाइब्रिड) ५०, रुखकटहर ९०, निबुवा ५०, नासपाती (चाइनिज) २५०, मेवा (नेपाली) ५०, मेवा (भारतीय) १००, अम्बा १२०, लप्सी ६०, स्ट्रबेरी (भुइँऐँसेलु) प्रतिकेजी ५००, किबी प्रतिकेजी २५०, एभोकाडो ३००, अमला प्रतिकेजी ७० रुपैयाँ निर्धारण गरिएको छ ।

यसैगरी, समितिले खुर्सानी सुकेको ४००, खुर्सानी हरियो ७०, खुर्सानी हरियो (बुलेट) ९०, खुर्सानी हरियो (माछे) ६०, खुर्सानी हरियो (अकबरे) ३००, भेडे खुर्सानी ६०, लसुन हरियो ९०, हरियो धनियाँ ४५, लसुन सुकेको चाइनिज ३००, लसुन सुकेको नेपाली ३००, छ्यापी सुकेको १६०, छ्यापी हरियो २५०, ताजा माछा (रहु) प्रतिकेजी ३५०, ताजा माछा (बचुवा) २६०, ताजा माछा (छडी) २६०, ताजा माछा (मुङ्गरी) ४५०, रुख टमाटर प्रतिकेजी १५०, राजा च्याउ प्रतिकेजी ३०० र सिताके च्याउ प्रतिकेजी ८०० रुपैयाँ तोकेको छ ।