काठमाडौं- पाकिस्तानको बलोचिस्तान प्रान्तमा मोबाइल र इन्टरनेट सेवा अवरुद्ध भएको छ । राजधानी क्वेटासहित प्रान्तका विभिन्न क्षेत्रमा मोबाइल र इन्टरनेट सेवा अवरुद्ध भएको बलोचिस्तान पोस्टले जनाएको छ ।
सरकारी अधिकारीले सुरक्षा चिन्ताका कारण मोबाइल र इन्टरनेट सेवा बन्द गर्नुपरेको जनाएका छन् । यसबारे ती अधिकारीले कुनै विवरण नदिएको पोस्टले उल्लेख गरेको छ ।
मोबाइल र इन्टरनेट सेवा अवरुद्ध भएपछि यसमा आधारित रहेर व्यापार, रोजगार, अध्ययन गर्ने व्यक्तिहरुलाई समस्या पैदा भएको छ ।
त्यसबाहेक टाढा रहेका आफन्त र साथीभाइसँग सम्पर्क गर्न पनि स्थानीयलाई कठिनाइ भएको छ ।
यसअघि पनि बेलाबेला बलोचिस्तानमा मोबाइल र इन्टरनेट सेवा अवरुद्ध हुँदै आएको छ ।
प्रतिक्रिया