काठमाडौं– पाकिस्तानको बलोचिस्तान प्रान्तमा जबरजस्ती बेपत्ता, गैरन्यायिक पक्राउ तथा अज्ञात व्यक्तिको शव फेला पर्ने क्रम बढेको पाइएको छ । यसबाट सो क्षेत्रमा मानव अधिकार उल्लङ्घनका घटना बढिरहेको देखिएको छ ।

स्थानीय स्रोतलाई उद्धृत गर्दै द स्टेट्सम्यानले जनाएअनुसार विभिन्न जिल्लाबाट जबरजस्ती बेपत्ता पारिएका घटना, गैरन्यायिक पक्राउ तथा अज्ञात शव फेला पर्ने घटनाका विवरण सार्वजनिक भएका हुन् । समाचारमा जनाइएअनुसार केही दिनअघि पञ्जपुर जिल्लाको साइकी बजारबाट अब्दुल खालिकलाई सुरक्षाकर्मीले बेपत्ता पारेका थिए ।

उनलाई नजिकै रहेको चौकीमा डाकिएको र त्यहीँबाट उनी बेपत्ता भएको जनाइएको छ । त्यसयता परिवारले उनीसँग सम्पर्क गर्न सकेको छैन ।

बलोचिस्तान पोस्टका अनुसार उनलाई अदालतमा उपस्थित गराउन अन्यथा तत्काल रिहा गर्न आफन्तले माग गरेका छन् । त्यसैगरी, हालै तुर्बत र मस्तुङ जिल्लामा दुई अज्ञात व्यक्तिको शव फेला परेको छ ।

प्रहरीले पोस्टमार्टमका लागि उनीहरुको शव नजिकैको अस्पताल पुर्‍याएको छ ।