काठमाडौं – नेपाल प्रहरीका वरिष्ठ उपरीक्षक (एसएसपी) प्रकाश रानाभाटको राजीनामा स्वीकृत भएको छ । बिहीबार गृहमन्त्री ओमप्रकाश अर्यालले रानाभाटको राजीनामा स्वीकृत गरेका हुन् ।
रानाभाट हाल सुदूरपश्चिम प्रदेश प्रहरी कार्यालयमा कार्यरत थिए। उनले करिब दुई दशकभन्दा बढी समयसम्म प्रहरी सेवामा विविध जिम्मेवारी सम्हालेका थिए।
२०५८ साल साउन १८ गते इन्स्पेक्टरको रूपमा प्रहरी सेवामा प्रवेश गरेका रानाभाट यसै वर्ष प्रहरी वरिष्ठ उपरीक्षक (एसएसपी)मा पदोन्नति भएका थिए।
गृह मन्त्रालयका एक उच्च अधिकारीका अनुसार रानाभाटको राजीनामा स्वीकृत भएपछि मन्त्रालयले आवश्यक प्रशासनिक प्रक्रिया अघि बढाइसकेको छ।
प्रतिक्रिया