सुनसरी– लगातारको वर्षा रोकिएसँगै सप्तकोशी नदीमा पानीको बहाव घट्दै गएको छ । सशस्त्र प्रहरी उपरीक्षक निर्मल थापाका अनुसार कोशी ब्यारेजमा आज बिहान ६ बजे गरिएको मापनअनुसार ४ लाख ३५ हजार ३०५ क्युसेकप्रति सेकेण्ड पानीको बहाव रहेको छ ।
गएराति पानीको बहाव ५ लाख ३३ हजार ५४० क्युसेक प्रतिसेकेण्ड थियो । वर्षा कम भएसँगै सो नदीमा पानीको वहाव घट्दो क्रममा रहेको उनले जानकारी दिए ।
उनका अनुसार अहिले कोशी ब्यारेजका ५६ ढोका नै खोलिएका छन् । आइतबार बिहान नदीमा पानीको बहाव उच्च भएपछि खतराको सङ्केतस्वरूप रातो बत्ती बालिएको थियो भने रातो भण्डासमेत फहराइएको थियो ।
प्रतिक्रिया