काठमाडौं– अन्तर्राष्ट्रिय दुई मैत्रीपूर्ण फुटबलमा आज नेपाल र बंगलादेश खेल्दै छन् । खेल साढे ५ बजे दशरथ रंगशालामा सुरु हुनेछ ।

दुवै टिम जित निकाल्ने लक्ष्यका साथ मैदानमा उत्रने छन् । खेल इन्टरनेशनल विन्डोमा आधारित हुनेछ ।

नेपाल र बंगलादेशबीच अहिलेसम्म २४ अन्तर्राष्ट्रिय खेल भएका छन् जसमा १३ खेल नेपालले जितेको छ भने ८ खेल बंगलादेशले आफ्नो पक्षमा पारेको छ । यस्तै ३ खेल बराबरीमा सकिएका थिए ।

नेपालले यो खेललाई एएफसी एसियन कप– २०२७ छनोट अन्तर्गत बाँकी खेलहरूको तयारीको रूपमा लिएको छ ।

नेपाल र बंगलादेशबीचको दोस्रो खेल भदौ २४ गते मङ्गलबार हुनेछ । प्रतियोगितामा दुवै खेलको नजिता मिलाउँदा बराबरी भए पेनाल्टी सुटआउटबाट विजेता घोषणा गरिने एन्फाले जनाएको छ ।