काठमाडौं– प्रतिनिधिसभाको बैठक शुक्रबार पनि स्थगित भएको छ ।  

भिजिट भिसा प्रकरणमा प्रतिपक्षी र सत्तापक्ष दलबीच भएको छलफल निष्कर्षविहीन भएपछि शुक्रबार बोलाइएको बैठक सूचना टाँस गरी जेठ २५ गते आइतबार दिउँसो १ बजेसम्मका लागि स्थगित गरिएको हो ।

भिजिट भिसा प्रकरणमा छानबिन समिति गठन र गृहमन्त्रीको राजीनामा माग गर्दै प्रतिपक्षी दलहरूले सदन सञ्चालन गर्न दिएका छैनन् ।

भिजिट भिसा प्रकरणमा छानबिन समिति गठनको प्रतिबद्धता आए सदन चल्न दिने प्रस्ताव प्रतिपक्षीले गरे पनि सत्तापक्षले भने 
संवैधानिक निकायले गरिरहेको अनुसन्धानमा अर्को छानबिन समिति गठन आवश्यक नरहेको जवाफ दिँदै आएको छ । 

भिजिट भिसा प्रकरणमा प्रतिपक्षीको अडानका कारण कारण जेठ १३ गतेदेखि प्रतिनिधिसभा बैठक प्रभावित हुँदै आएको छ ।