काठमाडौं– लागूऔषधसहित देशका विभिन्न स्थानबाट प्रहरीले २६ जनालाई नियन्त्रणमा लिएको छ ।

लागूऔषध खैरोहिरोइनसहित कैलालीबाट ६ जना, काठमाडौं, झापा र कञ्चनपुरबाट ३/३ जनालाई नियन्त्रणमा लिइएको छ । यस्तै वर्दियाबाट १ जना पक्राउ परेका छन् ।

नियन्त्रणमा लिइएकाहरूबाट १३ ग्राम ७२४ मिलिग्राम हैरो हिरोइन बरामद भएको छ ।

यस्तै कास्कीको पोखराबाट नियन्त्रित लागूऔषधसहित ३ जनालाई नियन्त्रणमा लिइएको छ । उनीहरूको साथबाट १८३ ट्याब्लेट नियन्त्रित लागूऔषध टापेन्टाडोल र १ थान स्कुटर बरामद गरिएको छ ।

सुनसरीको धरानबाट नियन्त्रित लागूऔषधसहित १ जना पक्राउ परेका छन् । उनको साथबाट ट्रामाडोल २ सय ७० ट्याब्लेट, कोलिवान २ सय ७० ट्याब्लेट, स्पास्पेन २९ ट्याब्लेट र नगद ३७ हजार रूपैयाँ बरामद गरिएको छ ।

यसैगरी बाराको कलैयाबाट नियन्त्रित लागूऔषध नाइट्राभेट १ हजार ३५ ट्याब्लेटसहित ४ जनालाई बिहीबार राति नियन्त्रणमा लिइएको छ ।

चितवनबाट ४ किलो ५ सय ग्राम लागूऔषध गाँजासहित २ जनालाई नियन्त्रणमा लिइएको छ । उनीहरू साथबाट एउटा मोटरसाइकलसमेत बरामद भएको छ ।

नियन्त्रणमा लिएकाहरूसँग प्रहरीले आवश्यक अनुसन्धान गरिरहेको प्रहरी प्रधान कार्यालयले जनाएको छ ।