बगदाद– इराकका प्रधानमन्त्री मोहम्मद शिया अल–सुदानीज्यूले सोमबार लेबनानले सामना गरिरहेको वर्तमान संकटका सन्दर्भमा इराकको दृढ समर्थन पुनः पुष्टि गरेका छन्। प्रधानमन्त्री कार्यालयद्वारा जारी विज्ञप्तिमा यो जानकारी दिइएको हो ।

उनले उक्त कुरा लेबननका  वित्तमन्त्री  यासिन जाबेर र ऊर्जा तथा जलमन्त्री जो सादीसँग भएको शिष्टाचार भेटवार्ताका क्रममा व्यक्त गरेका हुन् । सो अवसरमा दुई देशबीच विभिन्न क्षेत्रमा सहकार्य विस्तार गर्ने विषयमा समेत विचारविमर्श भएको बताइएको छ ।

प्रधानमन्त्रीज्यूले ‘इराकले लेबननको सुरक्षा, सार्वभौमिकता तथा हाल भइरहेको इजरायली आक्रमणको प्रतिकारमा निरन्तर ऐक्यबद्धता र समर्थन प्रदान गर्ने प्रतिबद्धता जनाउँछ’ भन्ने धारणा राखेका थिए ।

लेबननबाट आएको उच्चस्तरीय प्रतिनिधिमण्डलले पनि आफ्नो सरकार इराकसँगको सहकार्य अझ सुदृढ गर्न इच्छुक रहेको स्पष्ट पार्दै, विशेष गरी दूरसञ्चार तथा संयुक्त लगानीका क्षेत्रमा सहकार्य विस्तार गर्नुपर्नेमा जोड दिएका थिए।