काठमाडौं – नेकपा माओवादी केन्द्रका सांसद माधव सापकोटाले कुलमान घिसिङका विषयमा ऊर्जामन्त्रीले संसद्मा दिएको अभिव्यक्ति ढाँटछलपूर्ण रहेको बताएका छन् ।
बिहीबार संसद् भवन बानेश्वरमा सञ्चारकर्मीसँग कुरा गर्दै सांसद सापकोटाले ऊर्जामन्त्रीले संसद्मा राखेको तर्क तथ्याङमा आधारित नभएको समेत बताए ।
उनले वर्तमान सरकारले सेटिङको काम कानुन विपरीत गर्न लगाएपछि कुलमानले अस्वीकार गर्दा प्रतिशोध साध्न खोजेको आरोप लगाए ।
सापकोटाले कुलमानलाई पदबाट हटाए अहिलेको सरकारलाई निकै महँगो पार्न जाने चेतावनी दिए । वर्तमान सरकारकै कारण प्राधिकरणको वक्याैता नउठेको भन्दै उनले त्यसकै आधारमा कुलमानमाथि लगाएको आरोप उचित नभएको बताए ।
प्रतिक्रिया