काठमाडौं– राष्ट्रिय स्वतन्त्र पार्टी (रास्वपा)ले सहकारी प्रकरणमा मुछिएका सभापति रवि लामिछानेको सांसद पद निलम्बन फुकुवाको माग गरेको छ । 

प्रतिनिधिसभाको बिहीबारको बैठकको शून्य समयमा रास्वपा सांसद असीम साहले पूर्वगृहमन्त्रीसमेत रहेका लामिछानेको सांसद पद निलम्बन फुकुवाको माग गरेका हुन् ।  

उनले लामिछानेलाई पदबाट निलम्बन गर्नु पूर्ण गैरकानुनी कार्य भएको पनि जिकिर गरे । संसद कुनै व्यक्ति, दल विशेष र सत्तासत्तारी दलहरूको निजी अखडा नभएको सांसद साहले बताए । 

‘रवि लामिछानेलाई संसद पदबाट निलम्बन गर्नु पूर्ण गैरकानुनी कार्य रहेको छ । संसद कुनै व्यक्तिको, कुनै दल विशेषको वा सत्ताधारीको निजी अखडा होइन,’ साहले भने, ‘हामी सुसंस्कृतिक राजनीतिमा विश्वास गर्छौँ । संसदीय मर्यादालाई ध्वस्त पार्ने काम बदर गरियोस् र रवि लामिछानेको सांसद पद निलम्बन फुकुवा गरियोस् ।’