काठमाडौं- काठमाडौंको कमलपोखरीस्थित शानदार मःमः पसलमा ग्यास सिलिण्डर विस्फोट हुँदा ११ जना घाइते भएका छन् ।
बिहीबार बिहान करिव ९ वजेतिर शानदार मःमः पसलमा ग्यास सिलिण्डर विस्फोट भएको हो । घाइतेमध्ये दुईजनाको अवस्था गम्भीर रहेको प्रहरीले जनाएको छ ।
ग्यास सिलिण्डर विस्फोट भएपछि पसलमा आगलागी भएको थियो । घाइतेमध्ये ९ जनाको हिमाल अस्पताल र दुईजनाको कीर्तिपुरस्थित बर्न अस्पतालमा उपचार भइरहेको प्रहरीले जनाएको छ ।
ग्यास सिलिण्डर विष्फोटको कारण र क्षतिको पूर्ण विवरण आउन बाँकी रहेको प्रहरीले जानकारी दिएको छ ।
तस्बिरहरू : नेपाल फोटो लाइब्रेरी
प्रतिक्रिया