काठमाडौं– सुरक्षाका दृष्टिले सन् २०२४ पाकिस्तानका लागि सुखद् रहेन । अहिले सन् २०२५ को शुरु भइसकेको छ । 

यो वर्ष पनि पाकिस्तानमा सुरक्षा चुनौती बढ्ने देखिएको छ । दक्षिणी वजिरिस्तानको डेरा इस्माइल खाँ क्षेत्रमा भएको आक्रमणमा एक जना प्रहरी र एक जना भन्सार अधिकारी गरी दुई जनाले ज्यान गुमाएका छन् ।

आक्रमणमा अर्का एक जना प्रहरी पनि घाइते भएका छन् । मारिनेमा अस्मत उल्लाह नाम गरेका प्रहरी हवल्दार र अब्दुल्लाह नाम गरेका भन्सार कर्मचारी रहेको तथा परभेज नाम गरेका प्रहरी हवल्दार घाइते भएको जनाइएको छ ।

प्रहरीका अनुसार अज्ञात बन्दुकधारीले डरबानस्थित प्रहरी सुरक्षा चौकीलाई लक्षित गरी आधुनिक हतियारले आक्रमण गरेका थिए । 

आक्रमणलगत्तै प्रहरी घटनास्थल पुगेका भए पनि हतियारधारी आक्रमणकारी भने फरार भएका थिए । प्रहरीले उनीहरूको खोजी गरिरहेको पाकिस्तानी सञ्चार माध्यमले जनाएका छन् ।