काठमाडौं– नेपाली कांग्रेस (बीपी)का संस्थापक सभापति हरिबोल भट्टराईसहित १२ जना नेताहरू नेपाली कांग्रेसमा प्रवेश गरेका छन् ।

कांग्रेस बीपीका संस्थापक सभापति भट्टराई र संस्थापक महामन्त्री पुष्पराज पराजुलीसहित कांग्रेस प्रवेश गरेका हुन् ।

उनीहरूसँगै कांग्रेस प्रवेश गर्नेमा कांग्रेस बीपीका वरिष्ठ उपसभापति गोविन्द शर्मा पौडेल, उपसभापतिहरू विष्णुप्रसाद ढकाल, गोविन्दराम परियार र भरतराज शर्मा पनि छन् ।

यस्तै कांग्रेस बीपीका महामन्त्री भक्तराज भुसाल, सह-महामन्त्री ऋषव भट्टराई, प्रवक्ता शिवप्रसाद सिम्खडा, केन्द्रीय सदस्यहरू यमबहादुर आले, अञ्जान लामा र केशव ढुंगाना पनि कांग्रेस प्रवेश गरेका छन् ।

लामा नेविसंघ (बीपी)का अध्यक्षसमेत हुन् । उनीहरू सबैलाई कांग्रेस सभापति शेरबहादुर देउवाले सोमबार निजी निवास बूढानीलकण्ठमा स्वागत गरेका हुन् ।