काठमाडौं– भुटानका प्रधानमन्त्री छिरिङ टोब्गेले भुटानको ड्रुक ग्रिन पावर कर्पोरेशन र भारतको अडानी पावर लिमिटेडबीच भएको सम्झौतालाई द्विपक्षीय ऊर्जा सहकार्यमा महत्वपूर्ण कोसेढुङ्गाको संज्ञा दिएका छन् । हालै भारतको अडान पावर कम्पनी र भुटानको ड्रुक ग्रिन पावर कर्पोरेशनले ५ सय ७० मेगावाटको वाङ्छु जलविद्युत परियोजनामा हस्ताक्षर गरेका छन् ।

सामाजिक सञ्जालमा पोस्ट गर्दै प्रधानमन्त्री टोब्गेले दुई कम्पनीबीच भएको सम्झौताले द्विपक्षीय हरित ऊर्जा सहकार्यमा महत्वपूर्ण कोसेढुङ्गा थपेको जनाएका हुन् । टोब्गेको भारत भ्रमणका क्रममा उक्त सम्झौतामा हस्ताक्षर भएको भारतीय अखबार द स्टेट्सम्यानले जनाएको छ ।

श्रीमती ओम टासी डोमासँगै भारत पुगेका प्रधानमन्त्री टोब्गेले उच्चस्तरीय भेटवार्ता पनि गरेका छन् । उनले भारतीय विदेशमन्त्री एस जयशङ्करसँग भेटवार्ता गरेको द स्टेट्सम्यानले उल्लेख गरेको छ ।