काठमाडौं– काठमाडौं महानगरपालिकाले जमिनमुनि पानी रिचार्ज हुने वातावरण निर्माण गर्ने भन्दै महिनौँ अगाडि कंक्रिट हटाउने काम सुरु गरेको क्षेत्रमा अहिले पुनः सिमेन्ट हालेर कंक्रिट बनाउने प्रयास भएको देखिएपछि विवाद चुलिएको छ ।

महानगरले सम्पदा क्षेत्रअन्तर्गत पर्ने सडक विस्तारमा पुरानो ढुङ्गा र कंक्रिट हटाएर ‘वाटर रिचार्जेबल’ संरचना बनाउने भनिएको थियो ।

तर, आज सोही क्षेत्रमा पुरानो कालोपत्रे (पिच) नहटाईकन सीधै सिमेन्ट थपेर कंक्रिट हाल्न लागिएको दृश्य सार्वजनिक भएपछि आलोचना चुलिएको हो ।

स्थानीयवासी र सरोकारवालाहरूको गुनासोपछि काठमाडौं महानगरकी उप–मेयर सुनिता डंगोल आफैँ स्थलगत निरीक्षणमा पुगेकी थिइन् ।

तस्बिरहरू : नेपाल फोटो लाइब्रेरी