प्योङयाङः किम जोङ उनले शुक्रबार कोरियाली पिपुल्स आर्मीको विशेष अपरेशन एकाइअन्तर्गत सैन्य प्रशिक्षण बेसको भ्रमण अवलोकन गरेका छन् ।

उत्तर कोरियास्थित केसीएनए स्टेट मिडियाका अुनसार किम प्रशिक्षण कार्यक्रमअन्तर्गत विभिन्न विशेष अपरेशन एकाइका लडाकुद्वारा आयोजित सामरिक प्रशिक्षण र छोटा हतियार सुटिङ प्रतियोगिताको अवलोकनका लागि पुगेका थिए ।

किमलाई उद्धृत गर्दै केसिएनले भनेको छ– विशेष अपरेशन बललाई बलियो बनाउनु वर्तमानमा सेना निर्माणको मुख्य रणनीतिको एउटा हिस्सा हो । किमले लडाकुको परिचालन क्षमता अभिवृद्धिको उद्देश्यले कयौं कार्यको रुपरेखा तयार गरेका छन् । यद्यपि केसिएनले प्रमुख कार्यको विवरण सार्वजनिक गरेको छैन ।

किमले विशेष अपरेशन एकाइलाई नयाँ आपूर्ति गरिने स्नाइपर राइफलको परीक्षणसमेत गरे । र, यसको प्रभावकारिताका बारेमा जानकारी लिए । उत्तर कोरियाली प्रौद्योगिकीद्वारा विकसित स्नाइपर राइफलको प्रदर्शन र क्षमताबारे किमले सन्तोष व्यक्त गरेको मिडियाले उल्लेख गरेको छ ।

यता दक्षिण कोरियाले ‘उत्तर कोरियाली विशेष अभियान एकाइ प्योङयाङले हजारौं सैनिकलाई युक्रेनमा लड्नका लागि रुसमा तैनाथ गरेको छ ।’ भनेको छ ।

विश्लेषकका अनुसार युद्धको मैदानमा उत्तर कोरियालाई हतियार र सैनिक उपलब्ध गराउँदा फाइदा हुन सक्छ । तर किमका अनुसार उनलाई निकै घाटा भइरहेको छ । मस्को र प्योङयाङले सैनिक तैनाथ गरेको विषयलाई खण्डन गरेको छ । तर अक्टोबर सन् २०२४ मा रुसी राष्ट्रपति भ्लादिमिर पुटिनले उत्तर कोरियाली सैनिक रुसमा रहेको विषयलाई अस्वीकार गरेका छैनन् । र, एक उत्तर कोरियाली अधिकारीले यस्तो कुनै पनि कदम वैध हुने बताएका छन् ।

– रोयटर्स

तस्बिर: ४ अप्रिल, २०२५ मा लिइएको र उत्तर कोरियाको आधिकारिक कोरियन सेन्ट्रल न्युज एजेन्सीद्वारा जारी गरिएको तस्बिर । तस्बिरमा उत्तर कोरियाका नेता किम जोङ उन (बीचमा) हतियार अवलोकन गर्दै । उत्तर कोरियास्थित एक अज्ञात स्थलमा कोरियाली पिपुल्स आर्मीको विशेष अपरेशन बलको प्रशिक्षण बेसमा आयोजना भइरहेको प्रशिक्षण सत्रको निरीक्षण गर्दै । तस्बिरः एएफपी